Almaniyada rəsm sərgisində azərbaycanlı rəssamların əsərləri də yer alıb

Almaniyada rəsm sərgisində azərbaycanlı rəssamların əsərləri də yer alıb
, 2024

https://x.com/DiasporaAz/status/1837046291206992149

Almaniyada rəsm sərgisində azərbaycanlı rəssamların əsərləri də yer alıb
Almaniyanın Köln şəhərində “Zarifa Art” İncəsənət Agentliyinin təşkilatçılığı ilə yerli və xarici rəssamların əsərlərindən ibarət sərgi açılıb.

https://x.com/DiasporaAz/status/1837046291206992149

Açılış mərasimində Diasporla İş üzrə Dövlət Komitəsinin sədri Fuad Muradov, Köln bələdiyyə sədri xanım Korneliya Vaytkəmp və digər qonaqlar iştirak ediblər.

https://x.com/DiasporaAz/status/1837046291206992149

Qonaqları salamlayan “Zarifa-Art” Mərkəzinin rəhbəri İldırım Sultanov rəhbərlik etdiyi mərkəzin fəaliyyətindən danışıb, sərgi haqqında ətraflı məlumat verib. Azərbaycan rəssamları ilə geniş əlaqələrin olduğunu, onların sərgilərini təşkil etdiklərini vurğulayıb.

İldırım Sultanov uzun illər ərzində Almaniyada Xalq rəssamı Əşrəf Heybətov, memar, rəssam Şahvələd Məmmədov, rəssam Marqarita Kərimova, Sabir Çopurov və başqa bir çox azərbaycanlı rəssam və heykəltəraşların əsərlərinin sərgisinin keçirildiyini qeyd edib.

Lindenthal Bələdiyyə sədri xanım Korneliya Vaytkəmp sərgini yüksək qiymətləndirib, “Zarifa Art” İncəsənət Agentliyinə minnətdarlığını bildirib.

Tədbirdə müxtəlif musiqilər, eləcə də skripkaçı Anna Qoldun ifasında Azərbaycan xalq mahnısı “Sarı gəlin” səsləndirilib. İştirakçılar Azərbaycan musiqisini böyük rəğbətlə qarşılayıblar.

Qeyd edək ki, 30 ilə yaxın Almaniyada yaşayan İldırım Sultanovun rəhbəri olduğu “Zarifa-Art” Mərkəzi 1996-cı ildə yaradılıb. İlk dövrlərdə 7 sənətkarla fəaliyyətə başlayan Mərkəz hazırda 100-dən çox peşəkar, 200-dən çox həvəskar rəssamı, heykəltəraşı, memarı və digər incəsənət növləri ilə məşğul olan tanınmış sənətkarları öz ətrafında birləşdirir. Mərkəz Almaniyanın, həmçinin Avropanın bir çox şəhərlərində sərgilər təşkil edir.

Foto qalereya

https://x.com/DiasporaAz/status/1837046291206992149

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/almaniyada-resm-sergisinde-azerbaycanli-ressamlarin-eserleri-de-yer-alib-5090

https://x.com/DiasporaAz/status/1837046291206992149